قائیمقامی دەربەندیخان بە تۆڕی میدیایی ئێستای راگەیاند، تەرمی مامۆستا سامان ئەحمەدی کیمیا دۆزرایەوە.
سلێمان محەمەد، قائیمقامی دەربەندیخان ئەوەی خستەڕوو، ”شوێنی تەرمی مامۆستا سامان ئەحمەدی کیمیا لە ناوچەی گەشتیاریی شەمێران دیاریکراوە و دۆزراوەتەوە و تیمەکانی بەرگریی شارستانی لە هەوڵی دەرهێنانی تەرمەکەدان”.
شەوی هەینی رابردوو مامۆستا سامان ئەحمەد لە کاتی مەلەکردن لە بەنداوی دەربەندیخان خنکا و لەرێگای چەند تیمێکەوە پڕۆسەی گەڕان بۆ دۆزینەوەی تەرمەکەی دەستیپێکرد و سەرەنجام تواندرا ئەمڕۆ بدۆزرێتەوە.
