ئەندامێكی ئەنجومەنی نوێنەرانی عێراق رایدەگەیەنێت، رێكارەكانی ناردنی مووچەی دوو مانگی هێزە ئەمنییەكان دەستپێكراوە و لەم هەفتەیەدا پارەی تەرخانكراو بۆ مووچەكانیان دەنێردرێت.
غەریب ئەحمەد، ئەندامی ئەنجومەنی نوێنەرانی عێراق لە لێدوانێكدا بە تۆڕی میدیایی ئێستای راگەیاند، رێكارەكانی ناردنی مووچەی دوو مانگی هێزە ئەمنییەكان دەستپێكراوە و لەم هەفتەیەدا بەغداد پارەی تەرخانكراو بۆ مووچەی دوو مانگی هێزە ئەمنییەكان دەنێردرێت و دەست بە دابەشكردنی دەكرێت.
پێشتر پێشەوا هەورامانی، وتەبێژی حكومەتی هەرێم رایگەیاندبوو، بڕیارە لەم هەفتەیەدا حكومەتی عێراق مووچەی دوو مانگی هێزە ئەمنییەكان بنێرێت و بە گەیشتنی پارەكە راستەوخۆ دەست بە دابەشكردنی دەكرێت.
