عەدنان عوسمان، وتەبێژی بزووتنەوەی گۆڕان ئەمڕۆ سێشەممە 12ی کانونی دووەم ڕایگەیاند، یەکێتی و پارتی تەنها لەخەمی پۆست و بەرژەوەندیی خۆیان بوون.
عەدنان عوسمان لە نووسینێکدا لە تویتەر بڵاویکردەوە، “دیدگای گۆڕان لە بەغداد لەسەر دوو پایە بوو، یەکەمیان، نوێنەرایەتی کردنی بەرژەوەندییەکانی خەلکی کوردستان و هاوڵاتییانی هەرێم، نەک حزبەکان( گۆڕان پێی وابوو دوو حزبی یەکێتی و پارتی تەنها لەخەمی پۆست و بەرژەوەندیی خۆیاندا بوون).
ڕاشیگەیاند، یەکێکی دیکە لەو پایانەی گۆڕان باوەڕی پێیەتی، پەیوەندیی دەستوری و قانونیی باش لەنێوان هەرێم و بەغداد و پاراستنی مافەکانی هەرێمە.
بزوتنەوەی گۆڕان لە پەرلەمانی عێراق پێنج کورسیی پەرلەمانی هەیە و لە هەرێمی کوردستانیش 12 کورسیی پەرلەمانیان هەیە جگە لەوەی یەکێکە لە سێ لایەنی پێکهێنەری حکومەتی هەرێمی کوردستان و یەکێک لە جێگرانی سەرۆکی هەرێم لای بزوتنەوەی گۆڕانە.
ئەمە سەرەڕای ئەوەی ئەندامێکی شاندی دانوستانکاری هەرێمی کوردستان لەگەڵ بەغداد کە ئاوات شێخ جەناب، وەزیری دارایی حکومەتی هەرێمە لە بزوتنەوەی گۆرانە.
