بەڕێوەبەری گشتی چاكسازی كۆمەڵایەتی رایگەیاند، زیاتر لە پێنج هەزار سزادراو لە چاکسازییەکانی هەرێمدا هەن.
ئیحسان عەبدولرەحمان بابان بەڕێوەبەری چاکسازیی کۆمەڵایەتیی لە کۆنگرەیەکی رۆژنامەوانیدا رایگەیاند، لە ئێستادا پێنج هەزار و 466 کەس لە چاکسازییەکانی هەرێم هەرێمدا هەن.
ئاماژەی بەوەشکرد، لە شەش مانگی یەکەمی ئەمساڵدا، دوو هەزار و 311 کەس هاتوونەتە ناو چاکسازییەکان و لە هەمان کاتدا سێ هەزار و 934 کەس ئازادکراون.
ئاشکراشیکرد، 533 سزادراو لەناو چاکسازییەکاندا کاردەکەن، وەک درومان و سەرتاشی و باخەوانی و چێشتخانە و نانەواخانە.
