سەرۆكایەتیی شارەوانیی كەلار لەبارەی پێدانی زەوی بە كەسوكاری سەربەرزی ئەنفال و شەهیدان و زیندانیانی سیاسی ئاگادارییەك بڵاودەكاتەوە.
بەپێی راگەیەندراوێكی سەرۆكایەتیی شارەوانیی كەلار كە وێنەیەكی دەست تۆڕی میدیایی ئێستا كەوتووە و تێیدا هاتووە،
ئاگاداری ئەم ناوانەی خوارەوە دەكەینەوە كە پێشتر ژمارەیان وەرگرتووە بۆ وەرگرتنی زەوی لەماوەی هەفتەیەكدا سەردانی شارەوانیی كەلار بكەن بەمەبەستی وردبینیكردنی ناوەكان و پڕكردنەوەی بەڵێننامە بۆیان .
هەر لە راگەیەندراوەكەدا هاتووە، پێویستە ناسنامەی باری شارستانی (جنسیە) یان كارتی نیشتمانی و كارتی زانیاری (خۆی و هاوسەری) لە پەڕەیەكدا كۆپی بكرێت.
ئاماژە بۆ ئەوەش كراوە، هەفتانە لیستێك ناو ئاگاداردەكرێنەوە بەمەبەستی وردبینكردن و پڕكردنەوەی بەڵێننامە بۆیان.
