بەڕێوەبەرایەتیی هاتوچۆی گەرمیان رایدەگەیەنێت، لە گەڕەكی ئاوارەكانی قەزای كەلار بەهۆی رووداوێكی هاتوچۆوە پاسكیلسوارێك گیانیلەدەستدا.
بەپێی راگەیەندراوێكی بەڕێوەبەرایەتیی هاتوچۆی گەرمیان كە وێنەیەكی دەست تۆڕی میدیایی ئێستا كەوتووە و تێیدا هاتووە، ئەمشەو ئۆتۆمبێلێكی جۆری ئاڵتیما لە گەڕەكی ئاوارەكانی قەزای كەلار نزیك قوتابخانەی سەفین لە پاسكیلسوارێك دەدات و بەهۆیەوە بە سەختی برینداری كردووە و بەهۆی سەختی برینەكەیەوە پاسكیلسوارەكە گیانیلەدەستدا.
ئاماژە بۆ ئەوەش كراوە، لە ئێستادا لێكۆڵینەوە لە رووداوەكە لەلایەن تیمی هاتوچۆوە دەستیپێكردووە.
