بە هۆكارێكی نادیار ئاگر لە نزیك پاركی هەواری شار لە سلێمانی كەوتەوە و تیمەكانی بەرگریی شارستانیی سلێمانی دەستبەجێ گەیشتنە شوێنی رووداوەكە.
ئارام عەلی وتەبێژی بەڕێوەبەرایەتیی بەرگریی شارستانیی سلێمانی لە لێدوانێكدا بە تۆڕی میدیایی ئێستای راگەیاند، تیمەكانمان لە شوێنی رووداوەكەن و لە هەوڵی كۆنترۆڵكردنی ئاگرەكەدان و تائێستا هۆكاری كەوتنەوەی ئاگرەكە نەزاندراوە.
هاوكات پەیامنێری تۆڕی میدیایی ئێستا لە شوێنی رووداوەكەوە گواستییەوە كە تیمەكانی بەرگریی شارستانیی سلێمانی لە شوێنی رووداوەكەن و لە هەوڵی كۆنترۆڵكردنی ئاگرەكەدان.
