كۆمپانیای گشتیی بازرگانیی دانەوێڵە بونیادنانی نزیكەی شەش سایلۆی دیكە لە داهاتوویەكی نزیكدا رادەگەیەنێت.
حەیدەر نوری، بەڕێوەبەری گشتیی كۆمپانیای گشتیی بازرگانیی دانەوێڵە لە لێدوانێكدا بۆ رۆژنامەی سەباح رایگەیاند، كۆمپانیاكەیان سەرقاڵی بونیادنانی دوو سایلۆیە لە پارێزگاكانی دیوانیە و میسان بە توانای 60 هەزار تۆن بۆ هەر یەكێكیان، لە چوارچێوەی پرۆژەكانی قەرزی سعودیە كە پێشكەشی وەزارەتی بازرگانیی عێراق كراوە.
وتیشی، “كۆمپانیا بڕە پارەیەكی دیكەی تەرخانكردووە بۆ بونیادنانی دوو سایلۆی دیكە لە كەركوك و واست، كاریش دەكەین بۆ بونیادنانی دوو سایلۆی دیكە، یەكێكیان لە سەماوە و ئەوی دیشكە هێشتا شوێنەكەی دیارینەكراوە”.
لەماوەی ساڵی داهاتوودا 4-6 سایلۆی نوێ دروستدەكرێن بۆ وەرگرتنی بڕێكی زۆرتری دانەوێلە كە كۆمپانیا لە جوتیارانی وەردەگرێت، حەیدەر نوری وای وت.
ئاماژەی بەوەشدا، كۆمپانیاكەیان نزیكەی دوو ترلیۆن و 500 ملیۆن دیناری شایستەی جوتیارانی لە پارێزگاكان دابەشكردووە و چاوەڕوانی پارەن لە وەزارەتی دارایی بەمەبەستی دابەشكردنی بەسەر ئەودوای جوتیاراندا.
بەڕێوەبەرە گشتییەكە دووپاتیشیكردەوە، دەیانەوێت تەواوی شایستەی جوتیاران لەماوەی دوو مانگی داهاتوودا دابەشبكەن.
