لە سەرەتای مامەڵەکانی ئەمڕۆ سێشەممەدا نرخی نەوت دابەزی، ئەوەش نزمترین ئاستە لەماوەی چوار مانگی رابردوودا.
نرخی نەوتی خاوی برێنت بۆ هەر بەرمیلێک 20 سەنت دابەزی و بە 78 دۆلار و 16 سەنت مامەڵەی پێوەدەکرێت.
نرخی نەوتی خاوی رۆژئاوای تەکساسی ئەمریکا بەڕێژەی 17 سەنت دابەزی و گەیشتە 74 دۆلار و 5 سەنت.
ئەو نرخانەی ئەمڕۆ نزمترین ئاستی نەوتە لەماوەی چوار مانگی رابردوودا.
ئەوە لەکاتێکدایە رۆژی دووی ئەم مانگە، ئۆپێک پڵەس درێژکردنەوەی رێککەوتنی ئێستای کەمکردنەوەی بەرهەمهێنانی نەوتی تا کۆتایی ساڵی 2025 راگەیاند.
