ئەمڕۆ نرخی نەوت لە مامەڵە ئاسیاییەکاندا بەرزبووەوە، ئەوەش لەژێر کاریگەریی ئەو پێشبینییانەی کە باس لە کەمکردنەوەی بەرهەمهێنان دەکەن لەلایەن بەرهەمهێنەرانی نەوتەوە.
ئەمڕۆ چوارشەممە نرخی بەرمیلێک نەوتی برێنت بە 84 دۆلار و 37 سەنت مامەڵەی پێوەکرا.
هاوکات نرخی بەرمیلێک نەوتی تەکساسی ئەمریکا بە 80 دۆلار و هەشت سەنت مامەڵەی پێوەکرا.
بازرگانان و شرۆڤەکاران پێشبینی دەکەن رێکخراوی وڵاتانی هەناردەکاری نەوت و هاوپەیمانەکانی کە بە گروپی ئۆپێک+ ناسراوە، پارێزگاری لە کەمکردنەوەی بەرهەمهێنانی خۆبەخشانەی نەوت بکەن، بەجۆرێک بگاتە نزیکەی دوو ملیۆن و 200 هەزار بەرمیل لە رۆژێکدا.
