بەپێی پێشبینییەکانی کەشناسی، ئەمڕۆ لە چەند ناوچەیەکی هەرێم لە هەندێک کاتدا نمەباران دەبارێت.
بەڕێوەبەرایەتیی گشتیی کەشناسی و بومەلەرزەزانیی هەرێم لە راگەیەندراوێکدا بڵاویکردەوە، ئەمڕۆ ئاسمان لەنێوان هەور و نیمچە هەور دەبێت، لەگەڵ نمەباران لە هەندێک کات بە تایبەتى لە ناوچە شاخاوییەکانى هەولێر و راپەڕین، لە پارێزگای دهۆک و ناوچە شاخاوییەکانى رێژەی دابارین زیاتر دەبێت و لە هەندێک کات هەورەبروسکەی لەگەڵ دەبێت، پلەی گەرمی لە سنوورى پارێزگاى دهۆک و هەولێرکەمێک نزمدەبێتەوە، لە ناوچەکانى ترکەمێک بەرزدەبێتەوە بەراورد بە تۆمارکراوەکانی دوێنێ.
لەبارەی کەشوهەوای سبەینێوە بەڕێوەبەرایەتییەکە دەڵێت، ئاسمان لەنێوان پەڵە هەور و نیمچە هەور دەبێت لە هەندێک ناوچە هەورى تەواو دەبێت بەتایبەتى لە ناوچە شاخاوییەکان، پلەی گەرمی بەگشتی( ا-2 ) پلە بەرزدەبێتەوە بەراورد بە تۆمارکراوەکانی ئەمرۆ .
بەرزترین پلەی گەرمی پێشبینیکراو بە پلەی سیلیزی:
هەولێر : 28
سلێمانى: 25
دهۆک : 27
زاخۆ : 28
هەڵەبجە : 24
کەرکوک: 33
سۆران : 26
حاجی ئۆمەران: 19
گەرمیان : 34
