پۆلیسی گەرمیان گیانلەدەستدانی فیتەرێکی راگەیاند کە کەللەی بارهەڵگرێک کەوتبوو بەسەریدا.
بەڕێوەبەرایەتیی پۆلیسی گەرمیان بڵاویکردەوە، بەیانی ئەمڕۆ یەکشەممە لە ناوچەی پیشەسازیی قەزای کەلار لەکاتی گۆڕینی چوپی هەوای ئۆتۆمبێلێکی بارهەڵگر، کەللەی ئۆتۆمبێلەکە بەسەر شاگردی دوکانەکەدا کەوت و لەئەنجامدا گیانیلەدەستدا.
ئاشکراشیکرد، قوربانییەکە ناوی (غەزوان غازی خەلیل) لەدایکبووی ساڵی 2005 و دانیشتووی قەزای کەلارە، لە ئێستادا تەرمەکەی رەوانەی پزیشکی دادی کەلار کراوە و خاوەنی دوکانەکەش راگیراوە.
