هاتوچۆی سلێمانی بڕیاریدا لەمەوبەدوا رۆژانی هەینی هاتوچۆی بارهەڵگرەکان لە کاتژمێر 7:00ی بەیانی بۆ 7:00 ی ئێوارە لە چەند رێگایەک قەدەغەبکات.
بەڕێوەبەرایەتیی هاتوچۆی سلێمانی بڵاویکردەوە، بڕیارمانداوە لە رۆژانی هەینیدا لە کاتژمێر 7:00ی بەیانی بۆ 7:00 ی ئێوارە هاتوچۆی بارهەڵگرەکان لە رێگای دوکان ـ سلێمانی وە بە پێچەوانەوە، رێگای قەرەداغ ،شەقامی هەواری شار بۆ تونێلی پێشڕەو، رێگای سەرجەم ئەو سەیرانگایانەی لە سنووری شارەزووردان قەدەغەبکرێت.
ئاشکراشیکرد، سەرجەم مەفرەزەکان و بازگەکان و قەزای ناوەند هەڵدەستن بەکاری چاودێریی و لێپرسینەوە لەو شۆفێرانەی پابەندی ئەم بڕیارە نابن.
داوایشیکرد، شۆفێرانی بارهەڵگر پابەندبن تا بەدووربن لە کارەساتەکانی هاتووچۆ و لە لێپرسینەوەی یاسایی.
