ئێوارەی ئەمڕۆ ئاگر لە كۆگایەكی سووتەمەنی سەر رێگای هەولێر – مەخمور لە نزیك ناحیەی شەمامك كەوتەوە و تا ئێستا نەتوانراوە ئاگرەكە كۆنتڕۆڵبكرێت.
پەیامنێری تۆڕی میدیایی ئێستا لە شاری هەولێر گواستییەوە، چەند تیمێكی بەڕێوەبەرایەتیی بەرگریی شارستانیی هەولێر گەیشتوونەتە شوێنی رووداوەكە و لە هەوڵی كۆنترۆڵكردنیدان.
ئاماژەی بۆ ئەوەش كرد، تائێستا هیچ زانیارییەك لەبارەی هۆكاری كەوتنەوەی ئاگرەكە نەزاندراوە.
