بەرەبەیانی ئەمڕۆ دوو هێرشی جیاواز کرانە سەر هێزەکانی ئەمریکا لە سوریا.
میدیا عەرەبییەکان بڵاویانکردەوە، بەرەبەیانی ئەمڕۆ دوو فڕۆکەی بێفڕۆکەوان هێرشیانکردووەتە سەر بنکەی سەربازی تەنف کە 55 کیلۆمەتر لە سنووری عێراق- ئوردن دوورە، هێزەکان توانیویانە یەکێک لە فڕۆکەکان بخەنە خوارەوە.
لە لایەکی دیکەوە و شەوی رابردوو بنکەی سەربازی ئەمریکا لە کێڵگەی غازی کۆنیکۆ لە دێرەزووری باکوور بە مووشەک کرایە ئامانج و دەنگی تەقینەوە لە ناوچەکە بیسترا و دواتر هێزەکان لەناو بنکە سەربازییەکەی خۆیان بڵاوەیان پێکرا.
ئەمە لە کاتێکدایە ماوەی دوو مانگە هێرشەکانی سەر هێزەکانی ئەمریکا لە عێراق و سوریا وەستابوون کە لەلایەن گروپە چەکدارییە عێراقییەکانەوە ئەنجامدەدران.
