وتەبێژی وەزارەتی دارایی هەرێم رایدەگەیەنێت، مەترسی لەسەر مووچەی مووچەخۆرانی هەرێم نەماوە و بەپێی بڕیاری دادگای فیدراڵی دەبێت مانگانە هاوشێوەی عێراق مووچەی مووچەخۆرانی هەرێم رەوانەبكرێت.
هونەر جەمال وتەبێژی وەزارەتی دارایی هەرێم لە دیدارێكی تەلەفزیۆنیدا رایگەیاند، لە سەردانی وەفدی هەرێم داوامانكرد پرسی مووچە لە خەرجییەكان و سەرجەم كێشە سیاسییەكانی و پرسی نەوت جیابكرێتەوە و چەند كۆبوونەوەیەك ئەنجامدرا.
راشیگەیاند، لە ئێستادا هیچ مەترسییەك لەسەر مووچەی مووچەخۆرانی هەرێم نەماوە و بەپێی بڕیاری دادگای فیدراڵیی عێراق پێویستە مانگانە هاوشێوەی ناوچەكانی دیكەی عێراق مووچەی مووچەخۆرانی هەرێم لەكاتی خۆیدا رەوانەبكرێت.
