محەمەد شیاع سودانی بڕیاریدا لێدوانی میدیایی و بڵاوکردنەوەی چالاکی و وێنە و ڤیدیۆ لە تۆڕە کۆمەڵایەتییەکان لەسەرجەم هێزە ئەمنییەکان قەدەغەبکات.
بەپێی نووسراوێک کە واژووی محەمەد شیاع سودانی فەرماندەی هێزە چەکدارەکانی عێراقی بەسەرەوەیە و وێنەیەکی دەست میدیا عێراقییەکان کەوتووە، بڕیاردراوە کە لێدوانی رۆژنامەوانی، بڵاوکردنەوەی چالاکییە سەربازییەکان، بڵاوکردنەوەی وێنە و ڤیدیۆ بە تایبەت بە جلی سەربازییەوە لەسەرجەم کارمەندانی سەر بە دەزگا ئەمنییە جۆراوجۆرەکان قەدەغەبکرێت.
بڕیارەکەی سودانی بە مەبەستی رێگریکردنە لە بەکارهێنانی هێزە ئەمنییەکان بۆ مەرامی کەسی و تایبەتی هاوکات خۆبەدوورگرتنە لە دزەپێکردنی زانیاریی ئەمنیی لە رێگەیانەوە.
