بەهۆی ناجێگیری کەشوهەواوە لە بەشێکی ناوەندەکانی خوێندنی کەرکوک سبەی چوارشەممە پشووی رەسمییە.
پەیامنێری تۆڕی میدیایی ئێستا لە شاری کەرکوک پێیڕاگەیاندین، بەبڕیاری بەڕێوەبەرایەتیی گشتیی پەروەردەی کەرکوک و سەرۆکایەتیی زانکۆ سبەی چوارشەممە کرایە پشووی رەسمی.
ئاماژەی بەوەش کرد، پشووەکە بۆ دەوامی تەواوی قوتابخانەکان و کۆلێژەکانی سەر بە زانکۆی کەرکوکە و بەهۆی ناجێگیری کەشوهەواوە ئەو بریارە دراوە.
ئەوە لەکاتێکدایە پێشتریش بەڕێوەبەرایەتیی خوێندنی کوردی پشووی رەسمی بەبۆنەی یادەکانی نەورۆز و راپەڕین راگەیاندبوو.
