نرخی نەوت بەرزبوونەوەی بەخۆیەوە بینی دوای ئەوەی لە بەیانی رۆژی پێنجشەمەدا مامەڵەی پێوەکرا، ئەوەش بە هۆکاری رەتکردنەوی ئاگربەست لە غەززە و تەشەنەسەندنەوەی ئاڵۆزییەکان لە رۆژهەڵاتی ناوەڕاست بەگشتی.
بەیانی ئەمڕۆ پێنجشەممە، لە بازاڕەکانی نەوت، نرخی هەر بەرمیلێک نەوتی خاوی برێنت بەرامبەر بە 79 دۆلار و 55 سەنت مامەڵەی پێوەکرا، لە کاتێکدا، بەرمیلێک نەوتی خاوی ئەمریکی بەرامبەر بە 74 دۆلار و 16 سەنت مامەڵەی پێوەکرا.
ئاماژەکانی خواست لەسەر سووتەمەنی بەهێز لە ئەمریکا پشتگیری لە رەوتی بەرزبوونەوەی بازاڕ لەم هەفتەیەدا کرد، سەبارەت بە خواست، ئەو زانیاریانەی بڵاوکراونەتەوە، دابەزینێکی گەورەتر لە چاوەڕوانکراوی پشکەکانی بەنزین لە ئەمریکا نیشانداوە، کە ئەوەش کاریگەری لەسەر نرخی نەوت دەبێت.
