بەپێی پێشبینییەكانی كەشناسی بەیانیی سبەینێ ئەگەری دروستبوونی تەم و لە ناوچە جیاجیاكانیش ئەگەری نمەباران و بەفرێكی كەم هەیە.
بەڕێوەبەرایەتیی گشتیی كەشناسی و بومەلەرزەزانیی هەرێم رایگەیاند، سبەینێ ئاسمان نیمچە هەور دەبێت لە هەندێک ناوچە دەگۆڕێت بۆ هەوری تەواو.
ئەوەشی خستەڕوو، ئەگەری بارینی نمە باران و بەفرێکی کەم لە ناوچە شاخاوییەکان هەیە.
هەر بەپێی پێشبینییەكان لە کاتەکانی شەو و بەیانیی زوودا لە هەندێک ناوچە ئەگەری دروستبوونی تەم هەیە.
بەرزترین پلەكانی گەرمای پێشبینیكراوی شار و ناوچەكانیش بەمجۆرە دەبێت، (هەولێر 12 پلەى سیلیزى، سلێمانی 7، دهۆک 12، کەرکوک 12، هەڵەبجە 6، زاخۆ 12، گەرمیان 10، حاجی ئۆمەران -5 و سۆران 6 پلەى سیلیزى).
