بەهۆی فرۆشتنی دەرمانی نایاسایی و قەدەغەکراو، دەرمانخانایەک و کۆگایەکی دەرمان لە شاری هەولێر داخران.
وەزارەتی تەندروستیی هەرێم لە راگەیەندراوێکدا بڵاویکردەوە، لە بەردەوامی پشکنین و بەسەرکردنەوەکانی تیمی چاودێری بازاڕی بەڕێوەبەرایەتیی کۆنتڕۆڵی جۆری دەرمان (KMCA)وە بە ھەماھەنگی لەگەڵ پۆلیسی شارەوانیی قائیمقامییەتی قەزای ناوەندی ھەولێر دەرمانخانەیەک و کۆگایەکی دەرمان لە شاری ھەولێر داخران.
لەبارەی هۆکاری داخستنەکەوە وەزارەتەکە دەڵێت، ئەو شوێنانە دەرمانی نایاسایی و قەدەغەکراویان فرۆشتووە.
