یاریدەدەری سەرۆكی حكومەتی هەرێم رایدەگەیەنێت، حكومەت و دەسەڵاتدارانی عێراق هەموو كات دەڵێن هەرێمی كوردستان بەشێكە لە عێراق بەپێی دەستوور و ئێمەش هەمان بۆچوونمان هەیە و دەشڵێت، “ئەگەر ئێمە بەشێكین لە عێراق كوا مووچەی خەڵكی كوردستان”؟
رێباز حەملان یاریدەدەری سەرۆكی حكومەتی هەرێم لە دیدارێكی تەلەفزیۆنیدا رایگەیاند، پێشتر رێككەوتنمان كردووە كە حكومەتی عێراق نەوت بفرۆشێت و داهاتەكەی بگەڕێتەوە بۆ عێراق و مووچەی مووچەخۆرانی هەرێمی كوردستان بدرێت و جگەلەوەش بودجە بۆ پارێزگاكان تەرخاندەكرێت بۆ هەرێمی كوردستان بودجە و مووچە نانێردرێت.
دەشڵێت، “حكومەت و دەسەڵاتدارانی عێراق لە كۆبوونەوە و دیدارەكاندا هەموو كات دەڵێن هەرێمی كوردستان بەشێكە لە عێراق و بەپێی دەستوور و ئێمەش هەمان بۆچوونمان هەیە، بەڵام ئەگەر ئێمە بەشێكین لە عێراق كوا مووچەی خەڵكی كوردستان”؟
وتیشی، “هەرێمی كوردستان سەرجەم ئەو پابەندییانەی لە ئەستۆی بووە جێبەجێیكردووە و پابەندی جێبەجێكردنی رێككەوتنەكان بووە”.
