ئەندامێکی لیژنەی دارایی ئەنجومەنی نوێنەرانی عێراق رایگەیاند، ناردنی 618 ملیار دینارەکە بۆ هەرێم پەیوەستە بە ناردنی لیستی مووچەی فەرمانبەرانی هەرێم بۆ بەغداد.
د. نەرمین مەعروف ئەندامی لیژنەی دارایی لە ئەنجومەنی نوێنەرانی عێراق رایگەیاند، تا ئێستا هەرێم لیستی مووچەی فەرمانبەرانی رەوانەی بەغداد نەکردووە، هەر کات لیستەکە نێردرا بڕی 618 ملیار دیناری مووچەی فەرمانبەران دەخرێتە سەر هەژماری وەزارەتی دارایی هەرێم.
ئاشکراشیکرد، لە کۆبوونەوەی رۆژی یەکشەممەی رابردووی لیژنەکەمان لەگەڵ وەزیری دارایی جەختیلەوەکردەوە، ناردنی پارەکە پەیوەستە بە ناردنی لیستی مووچەی فەرمانبەرانی هەرێم وەک تەواوی پارێزگاکانی دیکەی عێراق.
