سەرۆكی سەندیكای شۆفێران لە سلێمانی رایدەگەیەنێت، پێشنیازێكی نوێ بۆ هاوردەكردنی ئۆتۆمبێلی تاكسی و لە رێگای پڕۆژەیەكەوە ئاراستەی ئەنجومەنی وەزیرانی هەرێم دەکرێت کە ئەو بابەتە پێویستی بە رەزامەندیی ئەنجومەنی وەزیرانە.
ئازاد ئەحمەد سەرۆكی سەندیكای شۆفێران لە سلێمانی لە لێدوانێكدا بە تۆڕی میدیایی ئێستای راگەیاند، لە ساڵی 2014ەوە ئۆتۆمبێلی تاكسی هاوردەی هەرێمی كوردستان نەكراوە و داوامانكردووە ئەو تاكسییانەی هاوردەدەكرێن مەرجەكانی سەلامەتییان تێدابێت و بە رەنگی تاكسی و لە هەمانكاتدا بۆ ناوشار پێوەری تێدابێت.
راشیگەیاند، ئەو پێشنیازە لە رێگای پڕۆژەیەكەوە ئاراستەی ئەنجومەنی وەزیران دەكرێت دەبێت حكومەت رەزامەندی لەسەر بدات، بەڵام پێناچێت بۆ ئەمساڵ هاوردەكردنی ئۆتۆمبێلی تاكسی دەستپێبكاتەوە.
