لە گەڕەکی کوردساتی شاری سلێمانی ئاگر لە باڵەخانەیەکی نیشتەجێبوون کەوتەوە.
ئارام عەلی، وتەبێژی بەرگریی شارستانی سلێمانی، بە تۆڕی میدیایی ئێستای راگەیاند، لە گەڕەکی کوردسات ئاگر لە باڵەخانەیەکی نیشتەجێبوون کەوتەوە، بە زوویی لەلایەن تیمەکانی بەرگریی شارستانییەوە کۆنتڕۆڵکرا.
لەبارەی هۆکاری ئاگرەکەوە وتی، هێشتا بە تەواوی نازانرێت بەهۆی چییەوە بووە، لێکۆڵینەوە لە زانینی هۆکارەکەی بەردەوامە.
ئاماژەی بەوەش کرد، یەک نهۆمی باڵەخانەکە گڕیگرتووە کە خێزانێکی تێدا دەژین، زیانی گیانی نەبووە تەنها ئەوەندە نەبێت پیاوێکی ئەندامی خێزانەکە بۆکسی بە شوشەیەکدا کێشاوە و بەو هۆیەوە دەستی بریندار بووە.
