ئەندامێكی ئەنجومەنی نوێنەرانی عێراق رایدەگەیەنێت، رێككەوتنەكان بەشێوەیەكە نابێت كێشەی مووچە بەم شێوەیەی ئێستا بمێنێتەوە و دەشڵێت، “چاوەڕواندەكرێت بۆ ساڵی داهاتوو كێشەی مووچە چارەسەربكرێت”.
سروە محەمەد ئەندامی ئەنجومەنی نوێنەرانی عێراق لە لێدوانێكدا بە تۆڕی میدیایی ئێستای راگەیاند، پێشتر شاندی هەرێم سەردانی بەغدای كرد و دیوانی چاودێریی دارایی عێراق سەردانی هەرێمی كوردستانی كرد و بۆچوونێك هەیە كە مووچە بخرێتە سەر بودجەی سیادی و بۆچوونێكی دیكە هەیە كە یاسای بودجە هەمواربكرێتەوە و كێشەی مووچە چارەسەربكرێت.
ئەو پەرلەمانتارە وتیشی، “دڵنیام كێشەی مووچە لە ساڵی داهاتوو چارەسەردەكرێت و ئەو قەرزەی بە هەرێمی كوردستانیش دراوە دواتر لە پشكی هەرێم دەبڕدرێت و بڕیارە دوای دیاریكردنی كەسێك بۆ سەرۆكی پەرلەمانی عێراق و رێوشوێنەكانی هەمواركردنەوەی یاسای بودجە دەستپێبكات و ئەو بڕگانەی پەیوەندییان بە هەرێمی كوردستانەوە هەیە هەمواربكرێنەوە.
