بەیانی ئەمڕۆ جارێکی دیکە لە رێگەی مووشەکەوە هێرشکرایەوە سەر بنکەی سەربازی عەین ئەسەد لە پارێزگای ئەنبار.
فەرماندەیی ناوەندیی ئەمریکا بڵاویکردەوە، کاتژمێر 7:30 خولەکی بەیانی ئەمڕۆ لە رێگای مووشەکی پێنج میلیمییەوە هێرشکراوەتە سەر بنکەی سەربازی عەین ئەسەد لە پارێزگای ئەنبار، بەڵام هیچ زیانێکی گیانی و ماددی لێنەکەوتووەتەوە.
ئاشکراشیکرد، شوێنی هەڵدانی مووشەکەکە دیاریکراوە، هێزە عێراقییەکان لێکۆڵینەوە لەبارەوە دەکەن.
هاوکات لەلایەکی دیکەوە دەستبەسەر بارهەڵگرێکدا گیراوە کە ئامادەکراوە لەرێگەیەوە پێنج مووشەکی دیکە ئاڕاستەبکرێن.
