بەڕێوەبەرایەتیی پۆلیسی گەرمیان دەستگیرکردنی دوو تۆمەتباری لە گەڕەکی سیروان بە تۆمەتی دزیکردن راگەیاند.
بەڕێوەبەرایەتیی پۆلیسی گەرمیان بڵاویکردەوە، دوای تۆمارکردنی سکاڵای چەند کاسبکارێک لەبەشی نەهێشتنی تاوانی گەرمیان و ئاگادارکردنەوەیان کە لەدوکانەکانیان لەگەڕەکی سیروان دزیکراوە، دوای کۆکردنەوەی زانیاری و لێکۆڵینەوە بەشی نەهێشتنی تاوانی گەرمیان توانیان دوو تۆمەتبار دەستگیربکەن کەهەستابوون بە دزینی بڕێک پارە و دوو ئامێری پڕکردنەوەی باڵانسی ئامێری پەیوەندیەکان لەگەڕەکی سیروانی قەزای کەلار.
ئاشکراشیکرد، دوای لێکۆڵینەوە لەگەڵ تۆمەتباران دانیان بەتاوانەکەدا ناوە و لە ئێستادا بە بڕیاری دادوەر و بەپێی مادەی 446 بەندکراون و لێکۆڵینەوە لەگەڵیان بەردەوامە.
