ئەنجومەنی بەڕێوەبەرایەتیی گشتیی پەروەردەی سلێمانی داوا لە مامۆستایانی میلاك و وانەبێژ دەكات لەپێناو خوێندكاراندا بگەڕێنەوە ناوەندەكانی خوێندن.
ئەنجومەنی بەڕێوەبەرایەتیی گشتیی پەروەردەی سلێمانی لە راگەیەندراوێكدا دەڵێت، دوای زیاتر لە دوو مانگ لە داخستنی ناوەندەكانی خوێندن لە سنووری پارێزگای سلێمانی و لە پەرۆشیمان و هەستكردن بە مەترسیی بەردەوامبوونی زیاتری ئەم دۆخە، داوادەكەین سەرباری سەختی و قورسی بارودۆخ بەگشتی و بارودۆخی مامۆستایان بە تایبەتی، بۆ ئەمجارەش هەمووان پێكەوە شان بدەینەوە بەر بەرپرسیارێتیمان و دەرگای ناوەندەكانی خوێندن بكەینەوە.
ئەنجومەنەكە داواش لە مامۆستایانی میلاك و وانەبێژ دەكات رۆژی دووشەممە 27ی تشرینی دووەم رووبكەنەوە ناوەندەكانی خوێندن.
دووپاتیشیدەكاتەوە، پێویستە حكومەتی هەرێم بارودۆخەكە لەبەرچاوبگرێت و لەماوەی نزیك و زوودا داواكارییەكانی مامۆستایان، وانەبێژان و فەرمانبەران قۆناغ بە قۆناغ جێبەجێبكات.
