ئەمڕۆ دانیشتنی ئاسایی ئەنجومەنی نوێنەرانی عێراق بەڕێوەدەچێت و بەپێی زانیارییەکانیش حەلبوسی سەرۆکایەتیی دانیشتنەکە ناکات.
سەرچاوەیەک بە تۆڕی میدیایی ئێستای راگەیاند، دانیشتنی ئەمڕۆی ئەنجومەنی نوێنەران لەلایەن موحسین مەندەلاوی جێگری سەرۆکی ئەنجومەنی نوێنەران سەرۆکایەتیی دەکرێت و کاری حەلبوسی کۆتایی هاتووە.
ئاشکراشیکرد، لە دەستووری عێراقدا بە شێوەیەکی ئاشکرا روونینەکردووەتەوە شێوازی جێگرتنەوەی سەرۆکی پەرلەمان بە چ رێوشوێنێک دەبێت، بەڵام لە ئێستادا لایەنە شیعەکان باسلەوەدەکەن کە کاندیدیان هەیە بۆ جێگرتنەوەی، بەڵام ئەمە تا چەند دەچێتە سەر لە ئێستادا هەموو ئەگەرەکان کراوەن.
ئەمە لە کاتێکدایە ئێوارەی دوێنێ سێشەممە بە بڕیاری دادگای باڵای فیدڕاڵی محەمەد حەلبوسی سەرۆکی ئەنجومەنی نوێنەرانی عێراق لە پۆستەکەی دوورخرایەوە.
