بافڵ جەلال تاڵەبانی: سلێمانی هەمیشە خۆڕاگر، کاریگەر و بەهێز بووە

بافڵ جەلال تاڵەبانی رایگەیاند، سلێمانی هەمیشە خۆڕاگر، کاریگەر و بەهێز بووە، ئەمەشی لە سروشتی چیا سەختەکانییەوە وەرگرتووە و رۆژانەش لە ناخی خەڵکە ئازا و رۆشنبیرەکەیدا رەنگدەداتەوە.

بافڵ جەلال تاڵەبانی سەرۆکی یەکێتیی نیشتمانیی کوردستان بڵاویکردەوە، لە یادی دامەزراندنی شاری سلێمانیدا پەیامێکی بڵاوکردەوە کە تێیدا هاتووە، “ئەمڕۆ بە دڵخۆشی و خۆشەویستیی زۆرمانەوە یادی 239 ساڵەی دامەزراندنی شاری سلێمانی دەکەینەوە، یادی شارێک دەکەینەوە کە بەدرێژایی مێژوو شانازیی نووسیووەتەوە و پێشەنگی قوربانیدان، بیری ئازاد، رۆشنبیری و نوێگەری بووە.

ئاشکراشیکرد، سلێمانی هەمیشە خۆڕاگر، کاریگەر و بەهێز بووە، ئەمەشی لە سروشتی چیا سەختەکانییەوە وەرگرتووە و رۆژانەش لە ناخی خەڵکە ئازا و رۆشنبیرەکەیدا رەنگدەداتەوە. ئەو خەڵکەی هەمیشە ئامادەبووە لەپێناو تەواوی کوردستاندا خەبات بکات و بە بیرە ئازاد و نوێگەرەکەشییەوە هەنگاو بەرەو داهاتوویەکی گەشتر و دیموکراسیتر بنێت.

باسیلەوەشکرد، سلێمانی بە کردار سەلماندوویەتی کە شاری هەڵمەت و قوربانییە، شاری داهێنان و رۆشنبیرییە، بۆیە دەشبێت هەمووان لەو راستییە تێبگەن، سلێمانی گوتار و دروشمە گەورەکان رەتدەکاتەوە و دەبێت بە کردار خزمەتی بکرێت.

 

لە کۆتایی پەیامەکەی بافڵ جەلال تاڵەبانیدا هاتووە، دروود بۆ رۆحی هەموو ئەوانەی لە رابردوودا هەوڵیان بۆ پاراستن، بەرەوپێشچوون و ئاوەدانکردنەوەی سلێمانی داوە، سوپاس و خۆشەویستیش بۆ ئەوانەی خەون بە داهاتوویەکی باشترەوە دەبینن و خەباتی بۆ دەکەن.

بابەتی پێشتر

لە نزیک ناحیەی پێباز بەهۆی رووداوی هاتوچۆوە 4 کەس گیانیان لەدەستدا

بابەتی دواتر

پۆلیسی سلێمانی دەستگیرکردنی دوو تۆمەتباری راگەیاند

بابەتی پەیوەندیدار
زیاتر ببینە

خەڵاتەكانی كامەران دابەشدەكرێن

ئاژانسی مێترۆگرافی، خەڵاتی كامەران نەجم دابەشدەكات و دوو كەس خەڵاتدەكرێن. لە ساڵیادی بێسەروشوێنبوونی فۆتۆگرافەر كامەران نەجم-دا، ئاژانسی مێترۆگرافی…
Total
0
Share