تاکو ئێستا نزیکەی 474 هەزار خێزان نەوتیان وەرگرتووە و بریارە پرۆسەی دابەشکردنەکە لە شاری هەولێریش دەستپێبکات.
وەزارەتی سامانە سروشتییەکانی حکومەتی هەرێم بڵاویکردەوە، لە رێگای تیمەكانی بەڕێوەبەرایەتی نەوت و كانزاكانەوە 94 ملیۆن و 760 هەزار 400 لیتر نەوتی سپیی بەسەر 473 هەزار و802 خێزان دابەشکراوە.
باس لەوەش دەکات، بڕیارە لە 26ی ئەم مانگەوە دابەشكردنی نەوتی سپی بگاتە ناو سەنتەری شاری هەولێر ، ئەمەش دوای ئەوەی لە 28ی ئۆکتۆبەر لە سەنتەری شاری سلێمانی و لە 12ی تشرینی دووەم لە سەنتەری شاری دهۆك دابەشكردنی نەوتی سپی دەستیپێكردووە.
پرۆسەی دابەشکردنی نەوتی سپی لە ناوچەکانی هەرێمی کوردستان لەلایەن وەزارەتی سامانە سروشتییەکانەوە بەردەوامە و بۆ بەرمیلێک نەوت بڕی 104 هەزار دینار لە هەر ماڵێک وەردەگیرێت.
