لیژنەی ئەمنی پارێزگای هەڵەبجە بڵاویکردەوە، لە میانەی سێ رۆژی بەڕێوەچوونی فێستیڤاڵی پایز و هەناری هەڵەبجە هیچ رووداوێکی نەخوازراو رووینەداوە.
لیژنەی ئەمنی قائیمقامیەتی قەزای مەڵبەندی ناوەندی هەڵەبجە لە راگەیەندراوێکدا بڵاویکردەوە، “لە میانەی بەڕێوەچونی سێ رۆژی فێستیڤاڵی هەنار لە پارێزگای هەڵەبجە بەهۆی ماندووبوون و چاوکراوەیی هێزەکانی (بەڕێوەبەرایەتی ئاسایشی شارەزوور و بەڕێوەبەرایەتی پۆلیسی پارێزگای هەڵەبجە و بەڕێوەبەرایەتی هاتوچۆی پارێزگای هەڵەبجە و بەڕێوەبەرایەتی بەرگری شارستانی هەڵەبجە ) و میواندۆستی خەڵکی هەڵەبجەی ئەزیز و سەرجەم هاوڵاتییان و هاوکارانی سەرخستنی فێستیڤاڵ هیچ رووداوێکی نەخوازراو لە کاتی بەڕێوەچوونی فیستیڤاڵدا رووینەداوە”.
ئاشکراشیکرد، لەو سێ رۆژەدا هیچ دۆسیەیەک لە بنکەکانی پۆلیس و بەڕێوەبەرایەتیی ئاسایش تۆمارنەکراون.
