ئێوارەی ئەمڕۆ لە كاتی داخستنی بازاڕی ئاڵوگۆڕی دراو بەهای دۆلار بەرامبەر بە دینار زیاتر بەرزبووەوە.
بەیانی ئەمڕۆ شەممە، لە كاتی كردنەوەی بازاڕی ئاڵوگۆڕی دراو بەهای 100 دۆلار بە 161هەزار و 300 دینار مامەڵەی پێوەكراوە، بەڵام ئێوارەی ئەمڕۆ لە كاتی داخستنی بازاڕی ئاڵوگۆڕی دراو بەهای 100 دۆلار گەیشتووە 161 هەزار و 700 دینار.
هەرچەندە حكومەت و بانكی ناوەندیی عێراق چەند رێوشوێنێكیان بۆ دابەزاندنی بەهای دۆلار گرتووەتەبەر، بەڵام ماوەی چەند رۆژێكە بە پێچەوانەوە بەهای دۆلار بەرزبوونەوەی زیاتری بەخۆوە بینیوە.
