قائیمقامیەتی قەزای پشدەر رایدەگەیەنێت، “لە قەڵادزێ و ناحیەی سەنگەسەر و ژاراوە سەردانی چەند شوێنێکمان کرد و پێبژاردنمان بۆ نۆرینگەیەکیش کرد”.
سەبارەت بە بەردەوامی چالاکییەکانیان قائیمقامیەتی قەزای پشدەر ئاماژە بەوە دەکات، “لیژنەی هاوبەشی قائیمقامیەت تایبەت بە کەرتی تەندروستی و کشتوکاڵ، بە مەبەستی چاودێریکردنی کەرتی تەندروستی سنوورەکە و پاراستنی سەلامەتی گشتی، لە چەند رۆژی رابردوودا لە قەڵادزێ و ناحیەی سەنگەسەر و ژاراوە، 13 نۆرینگە و شەش فرۆشگای کشتوکاڵی و چوار تاقیگەیان بەسەرکردەوە”.
ئەوەشی خستۆتەڕوو، “لە ئەنجامدا بە هۆی پابەندنەبوون بە رێنماییەکانی قائیمقامیەتەوە، لیژنەکە بڕیاریدا پێبژاردن بۆ نۆڕینگەیەک لە گەڕەکی راپەرین بکات”.
