بەهۆی رووداوێکی هاتووچۆوە لەناو عەلوەی کەلار سێ کەس برینداربوون.
بەڕێوەبەرایەتیی هاتوچۆی گەرمیان بڵاویکردەوە، بەیانی ئەمڕۆ لەناو عەلوەی کەلار لە نزیک گردەگۆزینە، بەهۆی پێکدادانی ئۆتۆمبێلێکی جۆری پیکاب و ماتۆڕ سکیلێکی سێ تایە، سێ کەس کە لەتەنیشت ماتۆڕسکیلەکەدا بوون برینداربوون.
ئاماژەی بەوەشکرد، ئەو کەسانەی برینداربوون تەمەنیان لەنێوان 28بۆ 31 ساڵاندا بوون، بە مەبەستی وەرگرتنی چارەسەر گەیەنرانە نەخۆشخانە و لەلایەن تیمی هاتووچۆوە لێکۆڵینەوە لە رووداوەکە دەستی پێکردووە بەمەبەستی زانینی چۆنیەتی و هۆکاری رووداوەکە.
