بەڕێوەبەرایەتیی هاتوچۆی گەرمیان رایدەگەیەنێت، لەسەر رێگای كەلار – گردەگۆزینە ئۆتۆمبێلێك كۆنترۆڵی لەدەستدا و خۆی بەستوونێكی رووناكیدا كێشا، بەهۆیەوە شۆفێرەكەی برینداربوو.
بەپێی راگەیەندراوێكی بەڕێوەبەرایەتیی هاتوچۆی گەرمیان كە وێنەیەكی دەست تۆڕی میدیایی ئێستا كەوتووە و تێیدا هاتووە، ئەمشەو سێشەممە) ئۆتۆمبێلێكی جۆری (تۆیۆتا هایلۆكس) لە كەلارەوە بەئاراستەی گردەگۆزینە ڕۆیشتووە كۆنترۆڵی لەدەستدا و خۆی بەستوونێكی رووناكیدا كێشا و زیانی بە دار و ژینگەی نێوان هەردوو رێگاكەش گەیاندووە.
هەر لە راگەیەندراوەكەدا هاتووە، بریندارەكە لەدایكبووی ساڵی 2003ەو، دانیشتووی گردەگۆزینەی سەربەقەزای كەلارە، بە مەبەستی وەرگرتنی چارەسەر گەیەنراوەتە نەخۆشخانەی فریاكەوتنی شەهید هەژار لە كەلار، لێكۆڵینەوە لە رووداوەكە لەلایەن تیمی هاتووچۆوە دەستیپێكردووە.
