سەرۆكی فەرمانگەی هەماهەنگی و بەدواداچوون لە ئەنجومەنی وەزیران رایدەگەیەنێت، ساڵانە وردبینی بۆ لیستی مووچەخۆران و دەكرێت دەشڵێت، “حكومەتی هەرێم داوادەكات مووچە لە كێشە سیاسییەكان جیابكرێتەوە”.
عەبدولحەكیم خەسرەو سەرۆكی فەرمانگەی هەماهەنگی و بەدواداچوون لە ئەنجومەنی وەزیرانی هەرێم لە دیدارێكی تەلەفزیۆنیدا رایگەیاند، بەپێی یاسای بودجە 681 هەزار فەرمانبەر لە هەرێمی كوردستان هەن و یەك ملیۆن و 200 هەزار مووچەخۆرمان هەیە كە پێكدێت لە فەرمانبەران، خانەنشینان، چاودێریی كۆمەڵایەتی و كەسوكاری شەهیدان و ئەنفالكراوان و لە ئێستاشدا هەردوو دیوانی چاودێریی دارایی هەرێم و عێراق وردبینی لە لیستی مووچەخۆرانی هەرێمی كوردستاندا دەكەن.
راشیگەیاند، لەو وردبینییەدا هیچ مووچەخۆرێكی هەرێم زەرەرمەند نابێت، چونكە ساڵی رابردووش وردبینی كراوە و هیچ گرفتێك لە لیستی مووچەخۆرانی هەرێمدا نییە.
