محەمەد شیاع سودانی، سەرۆك وەزیرانی عێراق لە رێورەسمی شەشەمین ساڵڕۆژی ژیانئاوایی شكۆی نەتەوە و نیشتمان سەرۆك مام جەلال، پیرۆزبایی لە سەرۆك بافڵ و ئەنجومەنی سەركردایەتی كرد.
سەرۆك وەزیران لە رێوڕەسمەكەدا رایگەیاند، ئەم كۆبوونەوەیە بە دەرفەت دەزانم بۆ ئەوەی پیرۆزبایی خۆمان پێشكەش بە بەڕێز بافڵ جەلال تاڵەبانی بكەین كە بە سەرۆكی یەكێتیی نیشتمانیی كوردستان هەڵبژێردرایەوە.
وتیشی، “هەروەها پیرۆزبایی لە ئەنجومەنی سەركردایەتی، ئەندام و لایەنگرانییشیان دەكەین و هیوادارین بەردەوامبن لەسەر كاری نیشتمانی بە هەمان رۆحییەت و رێبازی خاوەنی ئەم یادە (سەرۆك مام جەلال) كە بناغەكەی داڕشتووە.
