وەزیری كشتوكاڵ و سەرچاوەكانی ئاوی هەرێم رایگەیاند، بە مەبەستی پاڵپشتیكردنی جووتیاران و پارێزگاریكردن لەبەروبوومە خۆماڵییەكانی هەرێمی كوردستان، ئەنجومەنی وەزاریی ئابوریی عێراق بڕیاریدا بە قەدەغەكردنی هاوردەكردنی بەرهەمەكانی تەماتە و پەتاتە و شووتی كە لە دەروازە و مەرزەكانی سنووری ناوەڕاست و خوارووی عێراق.
بێگەرد تاڵەبانی وەزیری كشتوكاڵ و سەرچاوەكانی ئاوی هەرێم رایگەیاند، لەپێناو پاڵپشتیكردنی جووتیاران و پارێزگاری لەبەروبوومە خۆماڵییەكانی هەرێمی كوردستان، دوابەدوای نووسراوی داواكاریی وەزارەتمان و هەوڵەكانمان لەگەڵ وەزارەتی كشتوكاڵی عێراق، بەخۆشحاڵیەوە لەلایەن ئەنجومەنی وەزاریی ئابوری، بڕیاڕدرا لەسەر قەدەغەكردنی هاوردەكردنی بەرهەمەكانی تەماتە و پەتاتە و شووتی لەدەروازە و مەرزەكانی سنوور ناوەڕاست و خوارووی عێراق.
ئاماژەی بۆ ئەوەش كرد، “ئەم هەنگاوە گرنگە وادەكات كە بەردەوامبین لەسەر هەماهەنگی و بەیەكەوە كاركردن بۆ یەكخستنی ڕۆژنامەی كشتوكاڵی لەپێناو ڕەخساندنی بەرژەوەندیی و سوودی گشتیی جووتیارانی هەرێمی كوردستان و عێراقدا”.
