لێپرسراوێکی وەزارەتی کار و کاروباری کۆمەڵایەتی عێراق رایدەگەیەنێت “یاسای دەستەبەری کۆمەڵایەتی لە مانگی تشرینی دووەمەوە دەچێتە بواری جێبەجێ کردنەوە”.
لە لێدوانێکیدا بۆ رۆژنامەی سەباح، خولود حەیران جەباری بەڕێوەبەری بەشی خانەنشینی و دەستەبەری کۆمەڵایەتی سەر بە وەزارەتی کار و کاروباری کۆمەڵایەتی عێراق ئاماژەی بەوە کردووە، “یاسای دەستەبەری کۆمەڵایەتی لە 28ی تشرینی دووەمی ئەمساڵەوە دەچێتە بواری جێبەجێکردنەوە”
ئەوەش لە کاتێکدایە کە ئەنجومەنی نوێنەرانی عێراق یاسای ئاسایشی کۆمەڵایەتی و خانەنشینی بۆ کرێکار و کارمەندانی کەرتی تایبەتی پەسەند کرد، لە درێژەی ئەو چاکسازییه ئابورییەی که حکومەت بەڵێنی بە هاووڵاتیان دابوو.
