نەخۆشخانەی هیوا رایدەگەیەنێت، تەنها ئەمڕۆ 20 نەخۆشیی نوێی شێرپەنجە لە گەورەساڵان و منداڵاندا تۆماركراون و 752 نەخۆشیش سەردانی نەخۆشخانەكەیان كردووە.
بەپێی راگەیەندراوێكی نەخۆشخانەی هیوا كە وێنەیەكی دەست تۆڕی میدیایی ئێستا كەوتووە و تێیدا هاتووە، تەنها ئەمڕۆ 20 نەخۆشیی نوێی شێرپەنجە لە گەورەساڵان و منداڵاندا تۆماركراون و 752 نەخۆشیش سەردانی نەخۆشخانەكەیان كردووە.
هەر لە راگەیەندراوەكەدا هاتووە، چوار هەزار و 67 پشكنینی تاقیگەی جۆراوجۆر ئەنجامدراوە بۆ نەخۆش و 200 نەخۆش چارەسەری كیمیاییان وەرگرتووە و 129 نەخۆشیش پشكنینی سۆنەر و ئیكۆ و تیشكیان بۆ كراوە.
نەخۆشخانەی هیوا باسی لەوەش كردووە، لە ئەمڕۆدا 100 نەخۆش لە بەشی فریاكەوتنی خێرا داخڵبوەن و 652 نەخۆش سەردانی بەشی دەرمانخانەیان كردووە و دەرمانی پێویستیان وەرگرتوو و 75 نەخۆش لەقاوشە جۆراوجۆرەكانی نەخۆشخانە داخڵكراون و 16 نەخۆشیش پشكنینی مۆخیان بۆ ئەنجامدراوە.
