بەرەبەیانی ئەمڕۆ دووشەممە ئیسرائیل بۆردومانی فڕۆکەخانەی حەلەبی کرد، بەهۆی بۆردومانەکەوە فڕۆکەخانەکە سەرجەم خزمەتگوزارییەکانی راگرتووە.
بەپێی ئاژانسی سانای سوری، هێرشەکە لە کاتژمێر 4:30ی بەیانیی ئەمڕۆ ئەنجامدراوە و فڕۆکەخانەی حەلەبی کردووەتە ئامانج، هێرشەکە هیچ زیانێکی گیانی نەبووە، بەڵام زیانێکی ماددی زۆری گەیاندووە و بەهۆیەوە فڕکەخانەی حەلەب کارەکانی راگیراوە.
لەماوەی هەفتەیەکی رابردوودا ئیسرائیل چەندین هێرشی بۆ ناوچەکانی دەوروبەری دیمەشق ئەنجامداوە و بەهۆیەوە چەند سەربازێکی هێزەکانی سوریا برینداربوون.
