وەزارەتی پێشمەرگە رایدەگەیەنێت لە چوارچێوەی جێبەجێكردنی پڕۆژەی یاسای چاكسازی و یەكخستنەوەی هێزی پێشمەرگەی كوردستان سێ لیوای دیكەی یەكەی 70 گواسترانەوە بۆ سەر میلاكی وەزارەتی پێشمەرگە
بەپێی راگەیەندراوێكی وەزارەتی پێشمەرگە كە وێنەیەكی دەست تۆڕی میدیایی ئێستا كەوتووە و تێیدا هاتووە، لە چوارچێوەی جێبەجێكردنی پڕۆژەی یاسای چاكسازی و یەكخستنەوەی هێزی پێشمەرگەی كوردستان، سێ لیوا لە فەرماندەیی یەكەی 70 گواسترانەوە سەر وەزارەتی پێشمەرگە، كە بریتیین لە لیواكانی(26، 28 و 30).
ئاماژە بۆ ئەوەش كراوە، ئەم سێ لیوایە خراونەتە سەر میلاكی وەزارەتی پێشمەرگە و لە رۆژی دەرچوونی فەرمانی گواستنەوەیان، دەچێتە بواری جێبەجێكردنەوە.
وەزارەتی پێشمەرگە راشیگەیاندووە، پڕۆسەی چاكسازیی و یەكخستنەوەی هێزەكانی پێشمەرگە لە چوارچێوەی وەزارەتی پێشمەرگە، یەكێكە لە ئامانجە سەرەكییەكانی حكومەتی هەرێم و بەردەوام لەلایەن سەرۆكایەتییەكانی هەرێمی كوردستان و بەرپرسانی وەزارەتی پێشمەرگە جەختی لەسەر دەكرێتەوە.
