كونسوڵی ئەمریكا لە هەولێر پشتیوانیی بۆ بەڕێوەچوونی هەڵبژاردن لە هەرێمی کوردستان دەردەبڕێت.
ئێرڤن هیكس، كونسوڵی گشتیی ئەمریكا لە هەولێر لە کۆنگرەیەکی رۆژنامەنووسیدا رایگەیاند، “هیوادارین و چاومان لەوەیە هەڵبژاردنەکان بەڕێوەبچن، بۆ ئەوەی خەڵکی دەرفەتیان هەبێت نوێنەری داهاتوویان هەڵبژێرن”.
رۆژی دووشەممەش باڵیۆزخانەی ئەمریکا لە بەغداد، تویتێکی لەبارەی کۆبوونەوەکەی ئەم هەفتەیەی یەکێتیی نیشتمانیی کوردستان و پارتی دیموکراتی کوردستان لە دەباشان، بڵاوکردوە و تیایدا پێشوازیكرد لە رێککەوتنی هەردوو حزب لەسەر بەڕێوەچوونی هەڵبژاردنی پەرلەمانی کوردستان و پشتیوانییەکانیانی بۆ یەکخستنەوەی پێشمەرگە دووپاتكردەوە.
