لە پارێزگای دیالە سێ قاچاغچی بە نزیکەی 130 هەزار دۆلارەوە دەستگیرکران، کە بەنیازبوون پارەکە لە هەرێمی کوردستانەوە بە قاچاغ ببەنە دەرەوەی عێراق.
ئاژانسی هەواڵگریی عێراق لە راگەیەندراوێکدا ئاماژەی بەوەکرد، لە چێوەی فەرمانەکان بۆ رێگریکردن لە بەقاچاغبردنی دراو بۆ دەرەوە، سێ کەسیان لە پارێزگای دیالە دەستگیرکردووە، کە بڕی 128 هەزار و 500 دۆلار (12 دەفتەر و 85 وەرەقە)یان پێبووە و بە نیازبوون لە پارێزگاکانی هەرێمی کوردستانەوە بە قاچاغ بیبەنە دەرەوەی عێراق.
“رێکاری یاسایی بەرامبەر تۆمەتباران گیراوەتەبەر، داواش لە هاوڵاتیان دەکەین لەهەر زانیارییەک لەبارەی لە یاسا دەرچووان ئاگادارمان بکەنەوە”، ئاژانسی هەواڵگریی عێراق وادەڵێت.
