بەڕێوەبەرایەتیی وەڵامدانەوەی قەیرانەکانی گەرمیان سەرپەرشتی پڕۆژەیەک دەکات بۆ چارەسەرکردنی کێشەی کەمئاوی بەشێک لە گوندەکانی سنووری ئیدارەی گەرمیان.
پڕۆژەکە بە هاوکاریی رێکخراوەکانی ھاوکاریی ئەڵمانی و میدیکۆی نێودەوڵەتی، بەچاودێری و سەرپەرشتیی بەڕێوەبەرایەتیی کۆچ و کۆچبەران و وەڵامدانەوەی قەیرانەکانی ئیدارەی گەرمیان و بەھەماھەنگی لەگەڵ بەڕێوەبەرایەتیی ئاوی دەورووبەری گەرمیان جێبەجێدەکرێت.
پڕۆژەکە بە ناونیشانی ژیانەوە دەبێت و بەشێکی زۆر لە گوندەکانی سنووری ئیدارەی گەرمیان دەگرێتەوە.
پرۆەژەکە چارەسەری کێشەی کەمئاوی ئەو گوندانە دەکات کە کێشەی ئاویان ھەیە، لە ئێستاشدا کێشەی ئاوی ھەر یەک لەگوندەکانی کونەکۆتر، درۆزنەی بچوک و گامەخەڵ بەلێدانی بیری قوڵ چارەسەرکراون.
هەروەها ژمارەیەک گوندێکی تریش ماون بڕیارە لەنزیکترین کاتدا کێشەی کەمئاوییان چارەسەر بکرێت.
