شانۆنامەی (میوانێك لەسەر زەمینی دوورەوە) لە نووسینی بەختیار عەلی لەلایەن راڤیار نەوزاد دەرهێنانی بۆ دەكرێت لەژێر ناوی (میوانێكی دوور).
باهۆز نەسرەدین بەرهەمهێنەری شانۆییەكەیە رایگەیاند، چەندین ئەكتەری بە ئەزموون و گەنجی ناوچە جیاوازەكانی كوردستان نواندن دەكەن لە شانۆییەكە و لە ئێستادا سەرقاڵی پڕۆڤەن.
بڕیارە لە پایزی ئەمساڵدا لە شاری سلێمانییەوە نمایشی شانۆییەكە دەستپێبكات و دواتر لە شارەكانی دیكەش نمایشبكرێت.
شانۆییەكە بەرھەمی مێترۆنۆم پرۆداكشنە، بە هاوكاریی بەڕێوەبەرایەتیی گشتیی ڕۆشنبیریی سلێمانی و پەیمانگەی هونەرە جوانەكانی سلێمانی و گروپی بۆ شانۆ بەرهەمدەهێنرێت.
