بەپێی ئەو زانیارییانەی بە تۆڕی میدیایی ئێستا دراون، محەمەد شیاع سودانی سەرۆك وەزیرانی عێراق داوایكردووە لیژنەكانی هەرێم و بەغداد لەسەر كێشەكانی نێوانیان بگەنە رێككەوتن و بڕیارە حكومەتی عێراق پارەی تەرخانكراو بۆ مووچەی مانگی شەش رەوانەبكات.
هەر لە زانیارییەكاندا هاتووە، ئەگەر هەردوولا بگەنە رێككەوتن تا كۆتایی ئەم مانگە بەشە بودجەی هەرێمی كوردستان رەوانە دەكرێت و لە ئەگەری رێكنەكەوتیان بەغداد بڕە پارەیەك وەكو سولفە بۆ مووچەی مانگی شەشی فەرمانبەرانی هەرێمی كوردستان دەنێرێت.
ئاماژە بۆ ئەوەش كراوە، دەبێت پاكتاوی دارایی نێوان هەرێمی كوردستان و حكومەتی عێراق بكرێت و بۆ ئەوەش شاندێكی هەرێم لە بەغدادە.
