نیوەڕۆی ئەمڕۆ لەسەر رێگای کەرکوک – هەولێر رووداوێکی هاتوچۆ روویدا و بەهۆیەوە کەسێک گیانیلەدەستدا و دوو کەسی دیکەش برینداربوون.
بەپێی ئەو زانیارییانەی دەست تۆڕی میدیایی ئێستا کەوتوون، “نیوەڕۆی ئەمڕۆ لەسەر رێگەی کەرکوک – هەولێر لە نزیک ناحیەی پردێ، رووداوێکی هاتوچۆ لەنێوان دوو ئۆتۆمبێل لە جۆرەکانی تۆیۆتا هایلۆکس و تۆیۆتا یارس روویدا و بەهۆیەوە شۆفێری یارسەکە گیانیلەدەستدا و دوو سەرنشینی دیکەش برینداربوون”.
بەپێی زانیارییەکان شۆفێرەکە ناوی محەمەد حەسەن قادرە و خوێندکاری پزیشکی ددانە لە زانکۆی کیتاب و تەرمەکەی گواستراوەتەوە بۆ پزیشکی دادی کەرکوک.
